
Gipasiugda ni Presidente Ferdinand Marcos Jr. ang pagpalig-on sa kooperasyon tali sa ASEAN ug Australia sa mga natad sa seguridad, pamatigayon ug enerhiya atol sa pagsaulog sa ikalimang anibersaryo sa ilang Comprehensive Strategic Partnership.
Lakip sa mga prayoridad sa ilang panag-uban ang seguridad sa kadagatan, cybersecurity, ug pakigbatok sa terorismo, human trafficking, online scams ug ilegal nga droga.
Gipasiugda usab ang pagpalapad sa kooperasyon sa ekonomiya ug pagpalig-on sa relasyon sa pamatigayon ug pamuhunan tali sa duha ka panig.
Sumala sa taho, miabot sa 197.5 billion Australian Dollar ang kantidad sa pamatigayon tali sa ASEAN ug Australia niadtong 2025. (raniel mahunyag)



