PCG spokesperson Jay Tarriela refutes Chinese academic's claims on Ayungin Shoal, asserting Philippines' sovereign rights within its EEZ. Read more.

Nahitabo ang mainitong panagbayloay og pahayag atol sa Manila Dialogue on the South China Sea human gikuwestiyon sa Chinese academic nga si Dr. Zheng Zhihua sa Shanghai Jiao Tong University ang presensya sa Pilipinas sa Ayungin Shoal o Second Thomas Shoal.

Gipadayag ni Zheng nga halos tulo na ka dekada nga matud pa ilegal nga giokupa sa Pilipinas ang maong bahura.

Dihadiha kining gisupak ni Philippine Coast Guard spokesperson for the West Philippine Sea Commodore Jay Tarriela, kinsa mipatin-aw nga ang Ayungin Shoal nahimutang sulod sa 200-nautical-mile exclusive economic zone (EEZ) sa Pilipinas.

Gipasiugda usab ni Tarriela nga giila sa United Nations Convention on the Law of the Sea (UNCLOS) ang mga soberanong katungod sa Pilipinas sa maong maritime zone. (raniel mahunyag)