Gibarugan sa liderato sa United Church of Christ in the Philippines ang panawagan nga ibasura ang proyektong Pax Silica tungod kay daw gipahimuslan lamang sa mga adunahang nasud ang kinaiyahan ug bahandi sa Pilipinas.
Namahayag si United Church of Christ in the Philippines Bishop Rey Alejandro Lazaro nga sa 26 ka mga miyembrong nasud sa maong kasabutan nga gipangulohan sa Estados Unidos, ang Pilipinas ang labing gamay ug pobre kon itandi sa Japan, South Korea, ug Australia nga maoy nagkupot sa kapital ug teknolohiya.
Gipasabot ni Lazaro nga raw materials lamang ang kuhaon gikan sa Pilipinas samtang ang 1,620 ka ektarya nga luna sa Tarlac himuong manufacturing hub alang sa silicon ug semiconductor nga gikinahanglan sa mga langyawng negosyante.
Dugtong sa obispo nga isip mga tigbantay sa kabuhatan sa Diyos, dili makatugot ang simbahan nga maguba ang kinaiyahan ug mawad an og panginabuhian ang mga mag uuma ug mga Aeta aron lang motubo ang ekonomiya sa mga langyaw.-











