Dili ang mga illegal miners kondili ang mga dagkong kompanya sa pagmina nga adunay pagtugot sa gobyerno ang pinakadakong kontra sa mga lumad ug sa kinaiyahan.
Gibulgar ni Youth for Climate Justice Mindanao Coordinator Khyle Sabellano nga tungod sa panginahanglan sa Pax Silica, mas mopalapad pa ang mga legal ug protektadong minahan nga adunay saktong papeles ug giyahan pa sa kapulisan.
Dugang pa ni Sabellano, naghatag kini og seryosong hulga sa mga yutang kabilin ug sa seguridad sa mga aktibista sa kinaiyahan nga nagbarog batok sa pagpangabuso sa natural nga bahandi sa Pilipinas.
Nanawagan ang coordinator sa publiko nga babagan ang maong kasabutan nga naghatag og legal nga gahum sa mga langyaw ug dagkong negosyante sa pagguba sa kabukiran sa nasud.










