Pres. Marcos discusses Philippines China relations during his visit, addressing West Philippine Sea tensions & future cooperation despite a brief Xi meeting.

Gibutyag ni Senador JV Ejercito nga gibalik sa Kongreso ang mga flagship projects sa Department of Public Works and Highways (DPWH) human matangtang ang P97.7 bilyon nga kantidad sa mga proyekto, diin kadaghanan niini gibalhin ngadto sa foreign-assisted projects.

Gipasiugda niya nga kinahanglan mapadayon ang balanse tali sa accountability ug sa pagpadali sa paggasto sa gobyerno aron mapasig-uli ang kusog sa ekonomiya.

Gipasabot usab ni Ejercito nga ang sobrang pagpugong sa public spending tungod sa kontrobersiya sa flood control projects nakaamot sa paghinay sa economic growth ug construction activities karong tuiga.

Gitumong sa Senado nga mapataas ang GDP growth ngadto sa lima hangtod unom porsyento sa sunod tuig pinaagi sa pagpalig-on sa paggasto alang sa imprastraktura ug uban pang local ug foreign-assisted projects.

Gilauman niya nga ang pagpaspas sa implementasyon sa mga proyekto makatabang sa paghimo sa mas daghang oportunidad ug pagpalambo sa ekonomiya ilabina sa mga probinsya.