FBI investigates a major criminal database hack into the National Crime Information Center (NCIC). Discover what information may have been compromised in this cyberattack.

Giimbestigahan sa Federal Bureau of Investigation (FBI) ang gituohang pagsulod sa mga hacker sa National Crime Information Center (NCIC), usa ka nasudnong database nga gigamit sa mga pederal, estado ug lokal nga ahensiya sa kapulisan sa Estados Unidos alang sa impormasyon bahin sa mga warrant of arrest, mga wanted nga tawo ug mga rekord sa kriminal.

Wala pa matino sa FBI ang gilapdon sa insidente ug kon unsang impormasyon ang posibleng nakompromiso, samtang dili kini ang unang higayon nga giatake sa mga hacker ang mga sistema sa maong ahensiya.

Nahitabo ang insidente taliwala sa sunod-sunod nga teknikal nga pagkaputol sa serbisyo nga nakaapekto sa pipila ka sektor sa Estados Unidos, samtang gitangtang ni US President Donald Trump si National Cyber Director Sean Cairncross sa iyang posisyon niadtong Nobyembre 19, bisan wala pa napamatud-ang adunay kalabotan ang iyang pagkatangtang sa maong cyberattack.

Mahinumdoman nga niadtong Setyembre, giimbestigaran usab sa FBI ang giangkon nga pag-hack sa recruitment website niini sa cybercrime group nga ShinyHunters, nga nag-angkon nga nakawat ang personal nga impormasyon sa mga kawani ug aplikante sa ahensiya. (raniel mahunyag)