Nagpahimangno si Cagayan de Oro City Councilor ug Committee on Police, Fire, and Public Safety Chairman Roger Abaday sa mga motorista nga undangon na ang ilegal nga drag racing sa kadalanan tungod sa perwisyo ug posibleng disgrasya nga dala niini sa dalan.
Pahinumdum ni Abaday, dili lang ang kinabuhi sa mga naglumba ang mabutang sa peligro kondili madalahig pa ang ubang inosenteng drayber nga maoy pasanginlan kon mahitabo ang bangga.
Busa, gihangyo sa konsehal ang mga ginikanan nga maoy mangunay sa pagbadlong sa mga anak nga adunay motorsiklo aron dili makatugaw sa mga senior citizens ug adunay mga balatian.
Subli usab nga nanawagan si Abaday sa mga batan-on nga kaluy an ang mga silingan nga nangatulog sa gabii ug likayan nga makadisturbo sa komunidad.










