Gi-sumiter na sa Department of Justice (DOJ) kagahapon, Abril 20, ang counter-affidavits nila Senador Mark Villar, Senadora Camille Villar, Manuel Paolo Villar ug uban pang respondents.
Gi-kumpirmar kini sa abogado sa pamilya Villar nga si Atty. Robel Lomibao human sa preliminary investigation nga gihimo sa prosekusyon batok sa reklamo sa Securities and Exchange Commission (SEC).
Sumala usab kang Atty. Rhegine Peralta-Abrera, legal counsel ni Senador Mark Villar, kompiyansa ang magbabalaod nga walay lig-on nga basihan ang ebidensiya sa reklamo ug gipanghimakak niya ang mga alegasyon.
Mahinumduman nga ang pamilya Villar miatubang sa kaso nga may kalabotan sa market manipulation, insider trading ug misleading disclosures.
