CAGAYAN DE ORO CITY- Napugngan sa militar ang laraw sa mga rebeldeng New Peoples Army o NPA nga makapangilkil sa mga residente diha sa Sitio Pugahan, Brgy Bunal,Salay,Misamis Orientl.
Sumala ni 403rd Infantry Brigade commander Col. Edgardo de Leon nga na-engkwentro sa militar ang 10 ka NPA nga nagsaoy-saoy sa maong lugar diin milungtad sa 10 ka minutos ang panagsinukliay sa bala sa duha ka panig.
Asoy niini nga epektibo ang ilang konsepto nga magpahigayon sa regular nga patrol security ubos sa ilang area of responsibility aron masumpo ang permit to campaign sa mga walhong grupo ilabina nga nagkadool na ang piliay.
Samtang wala na gikakurat sa NPA ang nahitabong engkwentro.
Gibutyag sa nagpailang NPA Misamis Oriental spokesperson nga si alyas Nick nga tungod kini sa taliabot piliay diin daghang mga sundalo ang galihok sa kabukiran.
Namugos si alyas Nick nga igo lamang sila nag-depensa sa masa.
Gibutyag niini nga gihapo’y malaumang kalinaw ubos sa administrasyon ni Pres Rodrigo Duterte.
