CAGAYAN DE ORO CITY- Gipakusog sa militar ang ilang paggukod sa grupo sa Guerilla Front Committee 4 A sa rebeldeng New People’s Army nga na-engkuwentro sa 23rd IB,Philippine Army sa Sitio Bugtongon,Barangay Tinaan,Magsaysay,Misamis Oriental kagahapon sa hapon.
Kini human naglumba sa pagtagu-tago ang 20 ka rebelde sa dihang nasugat sa militar samtang gilusad ang combat operation sa maong dapit.
Gibutyag ni 58th IB spokesperson 1Lt Janelle Diaz nga miluntad sa 10 minutos ang pakigsukliay sa mga bala batok rebelde.
Namugos si Diaz nga walay samaron o namatay gikan sa tropa sa gobierno atol sa engkuwentro.
