CAGAYAN DE ORO CITY-Ipagsul-ob sa militar sa ‘brief’ ang mga teroristang Maute nga gusto na nga mo-surrender sa gobierno sulod sa Marawi City.
Kini human napulo ka ektarya na lamang ang gi-okupahan sa mga terorista gikan sa lokasyon sa naggukod kanila nga mga sundalo.
Gihimo ni AFP chief of staff Gen Eduardo Anio ang pasalig tungod sa nagkaduol nang pagkahuman sa giyera sa Marawi City.
Mibisita si Anio sa Camp Evangelista Station Hospital ning syudad diin gihataga’g mga medalya ang 41 ka sundalong mga samaron gikan sa panggubatan kagahapong adlawa.
Hisayrang daan nang nanganti ang mga terorista nga mogamit sa mga bomba kay nagminus na ang ilang puwersa tungod sa lig-ong pag-atake sa mga sundalo sulod sa main battle area sa Marawi City.
