CAGAYAN DE ORO CITY – Gibulgar ni Association of Brgy Councils President 2nd District City Councilor elect Alam Lim ang giingong pipila sa mga kahiwian nga nagsilbing basehan pagpapha sa pagka-bise presidenti ni Gusa Punong Brgy Marlo Tabac.
Kini human nagpatawag sa asembliya si Lim tinambungan sa 70 ka kapitanes aron tukion ang kahimtang ug isyu nga giatubang ni Tabac sulod sa liga ug mismong brgy niini
Gibutyag ni Lim atubangan sa mga kapitanes nga adunay pakyas nga pagsuweldo ni Tabac sa pipila ka mga empleyado niini sa ilang brgy ug anaa usa’y isyu kabahin sa tseke nga daw gipanapian.
Miingon si Lim nga tipik lang kini sa iyang gibulgar kay napugos siya kay giunhan ni Tabac sa mga pasangil sa miaging semana.
Gibutyag sa ABC presidenti nga obligasyon niya nga ipabakante kang Tabac ang katungdanan niini tungod sa daghang reklamo batok kaniya.
Dumduman nga gibulgar ni Tabac nga gi-presyur daw sa grupo ni Cagayan de Oro 2nd District Cong. Rufus Rodriguez si City Mayor Rolando ‘Klarex’ Uy nga ipabakante na ang gihuptang puwesto kay dili nila gusto nga siya ang sunod nga mahimong ABC presidenti.
Apan sa maong tigom ni Lim kaganihang buntag,wala niya kini niya tubaga apan mi-resbak sa iyang kaugalingong expose batok sa pipia ka giingong binuhatan ni Tabac.
