CAGAYAN DE ORO CITY – Gitudlo sa grupong Asian Century Philippines Strategic Studies Institute ang Amerika nga anaa sa likod sa paglabay kang kanhi Pres Rodrigo Duterte sa The Hague,Netherlands.
Kini ang gibutyag ni Herman Laurel,presidente sa grupo nunot sa gidangatan ni Duterte gamit ang giingong isyu sa extra judicial killings nga nag-resulta sa kasong crimes against humanity aron lugwaan sa International Criminal Court o ICC sa arrest warrant ug gibilanggo sa langyaw’ng nasud.
Gibutyag niini nga bisan ang China giingong gidamay pa sa Estados Unidos nga wala mohatag sa gipangayong asylum sa kanhi pangulo rason gidakop kini igo pagtugpa sa gisakyang eroplano gikan sa Hong Kong sa Ninoy Aquino International Airport sa kauluhan sa miaging Marso 11 sa buntag.
Gitumbok ni Laurel nga ang lig-on nga independent foreign policy ni Duterte kaniadto nga pagbadbad sa pagkagapos sa Estados Unidos diin gipanghigala ang Tsina ug Rusya.
Dumduman nga sa panahon ni Duterte, giduaw niya tagsa-tagsa sila Russian Pres. Vladimir Putin ug Chinese Pres Xi Jinping nga mga lig-ong karibal sa Amerika.
