CAGAYAN DE ORO CITY – Gi-respetuhan sa grupong Team Kaayuhan ang imbestigasyon sa task force nga gitukod sa Sagay Police Station apan dili kalikayan ang pagduda nga tungod sa politika gipang-pusil patay ang duha sa ilang miembro sa lungsod sa Sagay,Camiguin ning semana lamang.
Kini ang gihatag nga mensahe sa negosyanteng si Paul Rodriguez sa Bombo Radyo kabahin sa hitabo.
Namahayag si Rodriguez nga kini ang rason nga andam siya mohatag sa reward money alang sa ikasulbad sa kamatayon sa ga biktima nga sila Reynaldo Esguerra, 40 anyos ug 21 anyos nga si Paica Abbu nga taga-Brgy Manuyog sa maong lungsod.
Giklaro usab niini nga P1-M reward lang ug dili dos-milyones ang iyang ihatag sa pipila ka sibilyan nga makatabang sa pagsulbad sa kremin.
Ihatag usab niya ang maong salapi isip cash assistance sa mga suspek kon direkta mo-surender kaniya ug itug-an ang utok sa kremin.
