CAGAYAN DE ORO CITY – Gilusad sa Office of the Civil Defense 10 kuyog ang rescue responders sa nagkadaiyang local govt unit ang Rescue Mass Assembly for Rescue and Care for Humanity diha sa Pelaez Sports Center ning syudad karong buntag.
Miingon si CDRRMD head Nick Jabagat nga gihimo kini sa OCD 10 isip kabahin sa selebrasyon sa Disaster Resiliency Month nga lambigitan sa sobra 30 ka teams gikan sa lima ka probinsya sa rehiyon.
Gibutyag ni Jabagat nga katuyuan niini nga masukod ang abilidad sa rescue ug disaster responders sa panahon nga dunay matigayon nga kusog nga linog nga sama sa nahitabo sa Luzon sa miaging adlaw.
Siya miingon nga mohimo una’g pagbaklay ang mga partisipante gikan sa ilang mga lokasyon ug sa dili pa mokaabot sa sports center may mga senaryo sila nga masugatan sa dalan nga sama sa naigo sa magnitude 7.2 nga linog ang dakbayan.
