CAGAYAN DE ORO CITY-Ipaubos sa otopsiya ang patay’ng lawas sa usa ka dalaga nga nakit-ang nag-utaw utaw sa dagat sa lungsod sa Tagoloan,Misamis Oriental.
Kini human nakit-ang wala na’y kinabuhi ang biktima nga si Marivic Satico nga nagpuyo sa lungsod sa Sugbongcogon ning lalawigan.
Sa gihimo nga pakisusi sa kapolisan,bugtong samad sa kilay lamang ang nakita ngadto sa biktima hinungdan nga angay ipaubos sa otopsiya aron masayran ang hinungdan sa kamatayon niini.
Mohimo pa’g dugang pag-imbestigar ang kapolisan sa misteryoso nga pagkamatay sa maong biktima sa Tagoloan ning lalawigan kagahapong adlawa.
