Pormal nang gi-instular ang mga personalidad nga mulangkob sa Independent Commission for Infrastructure (ICI) nga mu-imbestigar, mu-isyu sa subpoena, ug murekomendar sa pagpasakag kaso sa mga tawong matumbok nga sad-an sa pagkawkaw sa buhis sa katawhan sama sa pondo flood control projects sa Department of Public Works and Highways (DPWH) ug nadiskobrehan nga gibahin-bahin isip kickback sa mga politiko, ug pipila ka district engineers sa ahensya.
Maoy gitudlo ni President Ferdinand Marcos Jr nga mulangkob sa ICI sila Rogelio “Babes” Singson, kanhi kalihim sa DPWH, ug accountant nga si Rossana Fajardo.
Silang duruha ang gitahasan ni Marcos, kuyog ni Baguio City Benjamin Magalong isip special adviser sa komisyon.
Gibutyag ni Palace Press Officer Claire Castro nga ang chairperson sa ICI ipahibalo sa Lunes, Septiyembre 15, ug ang komisyon magsugod dayon sa ilang trabaho.
Gipirmahan ni Marcos ang Executive Order No. 94 niadtong Septiyembre 11, nga naglatid nga ang mga miyembro sa ICI kinahanglan adunay taas nga integridad, kasinatian, ug independensya, ug walay politiko nga apil aron masiguro ang kredibilidad sa imbestigasyon.
