Mitunol ang World Food Program (WFP) sa nutritional support sa kapin 180,000 ka kabataan ug mga buntis o nagpasuso nga inahan sa Somalia, pinaagi sa $4.5 milyon nga pondo.
Ang tabang kritikal aron malikayan ang malnutrisyon tali sa nagkagrabe nga food insecurity sa nasud.
Sumala ni Hameed Nuru, WFP representative sa Somalia, ang acute malnutrition nakaabot na sa kritikal nga lebel samtang ang lifesaving nutrition services nabawasan og kapin sa katunga sukad 2025.
Gibanabana nga 6.5 milyon ka tawo o 1/3 sa populasyon ang nag-atubang sa crisis-level food insecurity, lakip ang 2 milyon nga naa sa emergency conditions.
Sa 2026, gilauman nga 1.84 milyon ka kabataan mag-antos sa acute malnutrition, ug kapin 483,000 niini ang moabot sa pinakagrabe nga lebel.
Giingon sa WFP nga ang nutritional support nakatabang na sa mga inahan ug kabataan sa pinakadrought-affected nga lugar sa Somalia, aron maprotektahan ang ilang kahimsog ug malikayan ang malnutrisyon.
Gibutyag ni Nuru, ang interventions sama niini, kauban ang lifesaving food assistance, importante aron masiguro nga ang mga kabus nga pamilya magpadayon sa pagdawat sa tabang nga ilang gikinahanglan.
