Mapahimuslan na sa Philippine Air Force (PAF) ang bag-ong pasilidad sa Pag-asa Island alang sa mas daghang misyon sa West Philippine Sea (WPS). Ang “basing support system” nga proyekto sa Air Force gilauman nga mosuporta sa mga operasyon sa hangin sa rehiyon.
Sumala ni PAF Spokesperson Colonel Maria Christina Basco, ang lokasyon niini gi-konsiderar nga strategic aron mas matutukan ang seguridad sa lugar, lakip na ang regular nga patrol operations sa AFP.
Ang pagtukod sa maong pasilidad nagpamatuod sa paningkamot sa AFP nga mapalapdan ang mga strategic infrastructures sa WPS ug masiguro ang kalampusan sa umaabot nga mga misyon sa Air Force.
