CAGAYAN DE ORO CITY, Philippines – Gilockdown ang balay sa anak ni Israeli Prime Minister Benjamin Netanyahu tungod sa kadudahang mga kabtangan nga gisulod sa iyang luxury apartment tower sa Miami.
Base sa report, paspas nga miresponde ang kapulisan sa “cryptic message” nga gipadala sa building management sa Florida City.
Miresulta ang lockdown sa tumang kalisang sa ubang mga residente nga wala masayud sa gilusad nga operasyon sa Miami Police.
Tungod sa hitabo, maabtan pa ning adlawa ang pagbaraw kang Yair Netanyahu sa pagsulod sa iyang mahalong puy-anan.
Hisayran nga gawas sa Miami, duna pay usa ka dakung mansyon sa Philadephia.
Wala pa mipagawas sa komento ang apektadong anak ni Netanyahu.
