Gisugdan na ang pinakadako nga Balikatan exercises nga maglakip sa maritime strike drills sa usa ka isla sa Pilipinas duol sa Taiwan.
Matod ni AFP Chief of Staff General Romeo Brawner, pag-sulay kini sa ilang ka-andam sa “real-world conditions”.
Apil sa mga partisipante ang Australia, samtang unang higayon nga mokuyog ang Canada, France, New Zealand ug Japan, nga nagpakita sa mas lapad nga network sa seguridad sa Manila.
Lakip sa mga aktibidad ang precision strike ug interdiction operations sa baybayon, integrated air ug missile defense, multinational maritime operations, ug live-fire counter-landing drills.
Dugang ni Brawner, kapin sa 17,000 ka mga sundalo ang moapil, lakip ang 10,000 gikan sa alyado nga Estados Unidos, aron ipakita ang lig-on nga panag-alyansa ug responsibilidad sa pag-panalipod sa rehiyon. (phillip ariata)
