Gisaway sa geopolitical analyst nga si Herman Tiu Laurel ang giingong agresibong gawi nila ni PCG Spokesperson Commodore Jay Tarriela ug Defense Secretary Gilberto Teodoro Jr. batok sa Tsina sa West Philippine Sea tungod sa banta niini sa ekonomiya sa nasud.
Gitin-aw ni Laurel nga ang maong postura nagbutang sa peligro sa panginabuhian sa mga Overseas Filipino Workers ug sa mga lokal nga exporters.
Gipahinumdoman usab sa analyst nga labaw sa 75% sa katawhang Pilipino ang mas nagpaluyo sa malinawong diplomasiya kaysa sa pakig-away.
Busa, nanawagan siya sa panggamhanan nga likayan ang pagpadako sa away ug pilion ang panaghisgot aron mapanalipdan ang kalinaw sa tibuok nasud.
