CAGAYAN DE ORO CITY – Mangunay na ang kompanyang Verde Soko Philippines Industrial Incorporated paghakot sa nadugta na nila nga basura diha sa Sitio Bugwak,Brgy Sta Cruz,Tagoloan,Misamis Oriental.
Kini human nakig-koordinar ang kadagkuan sa kompanya sa inter-agency coordinating committee aron haw-ason ang mga basura nga ilegal napasulod sa South Korea sa Misamis Oriental naidtong Hulyo 2018.
Miingon si Mindanao International Container Terminal collector John Simon nga mismo na ang Verde Soko ang mangita’g paagi alang sa pagbalik sa mga basura sa Korea.
Una niini,gikasuhan sa gobierno ang kadagkuan sa Verde Soko tungod sa pagpasulod sa mga basura nga wala moagi sa ensaktong proseso.
