CAGAYAN DE ORO CITY – Magkatagbo sila Ozamiz Archdiocese Archbishop Martin Jumoad,D.D ug ang ilang board of consultors aron tukion ang hangyo sa ilang mga parokyano nga ablihan na’g balik ang temporaryong gisard-an nga San Juan Bautista Church sa lungsod sa Jimenez,Misamis Occidental.
Kini human unang napugos pagsirado si Jumoad sa simbahan kay giingong nangluwa sa ‘holy water font’ ang video blogger nga si Christine Medalla ug gi-post sa social media rason nga gikasuko sa sa mga parokyano ang panghitabo.
Siya miingon nga hulaton nila nga magsulat ang kura-paroko sa San Juan Bautista Parish aron basehan sa makab-ot nga hukom sa katiguman sa board of consultors karong adlawa.
Una nang nangayo’g pasalyo si Medalla sa simbahang Katolika ug namugos nga sukwahi sa pasangil sa netizens wala niya luwa-i ang butanganan sa bendita sa miaging adlaw’ng Domingo, Agosto 4.
Hisayrang ang maong simbahan,natukod sa milabay’ng ika-19 nga siglo sa pagningkamot kaniadto ni Reverend Father Roque Azcona.
