CAGAYAN DE ORO CITY – Nadepensahan ni Agatha Wong ang iyang titulo sa women’s taolu taijiquan ubos sa Wushu Competition nga gipahigayon sa World Trade Center, Pasay City, karong buntag.
Gidominahan ni Wong ang kompetisyon ug nasakmit niini ang 9.67 iskor sa final round.
Iyang napukan ang pambato sa Brunei nga si Basma Lachkar (9.55) ug nadawat ang silver medal, ug si Thi Minh Huyen Tran (9.53) sa Vietnam nga milanding sa third spot.
Si Wong ang ikaduhang pinoy nga nakasakmit sa bulawang medalya alang sa nagpadayong Southeast Asian Games dinhi sa Pilipinas.
