Andam nang mubalik sa negotiating table si Russian President Vladimir Putin aron mahisgutan ang posibleng ceasefire deal tali sa gobyerno ni Ukraines President Volodymyrr Zelenskyy.
Pinaagi sa gamay nga televised speech, gibutyag ni Putin nga nagahinabiay sila ni US President Donald Trump sa telepono sulod sa duha ka oras, ug nahukman nga ipatigbabaw ang kalinaw inay pakigsangka.
Sa pikas bahin, nagpagawas usab ang White House sa kompirmasyon sa pamahayag ni Putin ug miingon nga mu-abante dayon ang negosasyon aron matino ang mga kondisyon sa ceasefire ug ang posibleng kataposan sa gubat.
Mahinumduman nga sa miaging adlaw, mismo ang Santo Papa Leon ika-14 ang nagpadayag sa interes nga mangunay sa pag host o pagpataliwala sa himoong negosasyon. Gihimo sa Santo Papa ang pamahayag atubangan kang President Zelenskyy.
