CAGAYAN DE ORO CITY – Gilaraw sa komitiba sa imprastraktura konseho nga did-an na makabiyahe ang mga dagkong nga kargado sa quarry materials nga mosubay sa brgy ug city roads sa dakbayan.
Miingon si City SK Federation President Kag. John Michael Seno,chairman sa komitiba nga tuyo niya pasaran sa ordinansa ang hisgutanan kay nakita niini nga kini ang nag-unang hinungdan kon nganong grabe ang pagkaguba sa pipila ka kadalanan sa syudad.
Dugang ni Seno nga partikular niya gitumbok ang pipila ka brgy roads sa Camaman-an;Pagatpat ug Canitoan diin agianan sa mga cargo truck nga kargado sa quarry materials sa mga negsoyante sa syudad.
Giklaro sa konsehal nga dili siya supak maong negosyo apan labing dili usab kini makatugot nga mahasol ang publiko ug maguba lang ang kabtangan sa katawhan.
Samtang dili gilayon mapatuman nga did-an ang pag-agi sa mga dagkong trak de karga sa pipila ka brgy ug city roads dakbayan.
Miingon si 2nd District City Councilor Egdar Cabanlas nga angayang balansehon kini nga lakang kay daghang basihan kon nganong nagkagidlay ang pipila ka kalsada sa syudad.
Siya miingon nga dili angayang malimtan nga may mga higayon ‘haplas construction’ ang resulta sa road constructions tungod sa isyu sa kurapsyon.
Una nang gisulti sa taga- DPWH nga sa sunod nga pagtrabaho sa pipila ka contractor sa syudad,kinahanglang dose pulgada na ang kabaga sa semento aron dili dali mangaguba.
