(Update) CAGAYAN DE ORO CITY – Gi-depensa ni detained Pangantucan Mayor Miguel Silva Jr ang iyang pagtagu-tago sa mga otorodad nga halos duha ka bulan nangita kaniya sa Bukidnon.

Kini bisan nga una siya nga misaad nga dili atrasan ang pag-atubang sa mga kasong kriminal nga iyang giatubang sa korte.

Namugos si Silva nga ma-limitahan ang iyang mga lihok sa pagdagan pagka-gobernador kon magpadakop kini batok sa mga salaod nga imbento lamang sa mga kaatbang niini sa politika.

Gibatikos pa niini si Bukidnon Gov. Rogelio Roque nga makig-away nga patas ug dili mogamit sa impluwensiya pinaagi sa pagtumo-tumo sa mga sala nga giingong wala niya sukad mabuhat sa iyang kinabuhi.

Una unta sa iyang plata porma nga kon modaug,paubsan ang presyo sa sobra kadako nga bayrunon sa koryente sa mga konsumante sa Bukidnon.