CAGAYAN DE ORO CITY-Gidayeg ni PNP deputy chief director for administration C/Supt Ramon Apolinario ang performance sa PNP-10.
Kini tungod sa pagsilbing top 3 sa PNP kon hisgutan ang paglusad sa anti-illegal drug operation sa rehiyon.
Si Apolinario miingon nga nalipay siya sa maayo nga performance sa kapolisan sa rehiyon kon hisgutan ang kampaniya batok sa illegal nga droga.
Gani, mibilib siya sa PNP-10 tungod kay kanunay kini nga makasulod sa top 5 sa adunay pinakadaghang accomplishment sa tibook nasud.
Gihimo ni Apolinario ang pahayag atol sa awarding ceremony sa Camp 1Lt Vicente Alagar diin nakabase ang headquarters sa PNP-10.
Kabahin sa gihataga’g pasidungog ug cash incentives ang upat ka police stations sa Cagayan de Oro City,tag-duha sa Bukidnon ug Iligan City samtang tag-usa sa Lanao del Norte ug Misamis Occidental.
Dugtong niini,gimanduan ni Apolinario ang kapolisan sa rehiyon nga pahugtan ang seguridad sa pagbantay sa mga terorista nga dili makasulod sa syudad.
Matud ni Apolinario nga dili lamang problema sa droga ang giatubang nga suliran sa mga pulis sa syudad kundi lakip na ang hulga sa terorismo.
Nanghinaut si Apolinario nga mapugngan sa mga pulis nga dili makasulod sa dakbayan ang mga terorista aron dili masabotahe ang kamalinawon sa syudad.
Samtang gihagit ni Apolinario ang mga pulis nga nangandoy makabaton sa taas nga pwesto nga ayuhon ang ilang performance sa pakigbatok sa illegal nga droga.
Partikular nga gipanawagan ni Apolinario ang mga pulis nga nangandoy mahimong regional ug
provincial director nga kinahanglang andam ang usa ka opisyal sa away batok droga.
