CAGAYAN DE ORO CITY – Giklaro sa provincial capitol nga walay pondo nga gamiton si Gov Peter Unabia aron i-abante ang iyang politikanhong katuyuan alang sa subli niya pagpapili sa katungdanan sa 2025 elections sa Misamis Oriental.
Gihimo ni Provincial administrator John Venice Ladaga ang mensahe nunot sa posibilidad nga sakyan sa kapitolyo ang batakang serbisyo nga ilang itunol sa lalawigan alang sa maong katuyuan.
Siya miingon nga wala kini sukad himua sa gobernador bisan sa iyang unang pagdagan pagka-gobernador sa probinsya.
Namahayag ang administrator nga mismo si Unabia nga dili hilabtan ang pondo alang sa batakang serbisyo sa kapitolyo alang sa katawhan sanglit nagtinguha sila nga ubsan pag-ayo ang kaso sa kagutom sa lalawigan.
Si Unabia nagsilbi usab nga dakong negosyante ug dagha’g negosyo dili lang sa syudad apan bisan sa ubang bahin sa nasud.
