CAGAYAN DE ORO CITY – Dili pagtabang apan gidugangan lang sa gobierno nga mahimong tapulan ng katawhan pinaagi sa paghatag sa cash ayuda.
Kini ang reaksyon ni CWGG 10 convenor Atty Antonio Soriano kabahin sa nabulgar nga 250 bilyones pesos nga alokasyon sa pondo alang sa pagpanghatag lang sa ayudad sunod tuig.
Miingon si Soriano nga makaguba sa ekonomiya ang maong paagi ug labing maayo nga trabaho unta ang ihatag sa gobierno sa katawhan.
Kini aron dili na pirmi magsalig sa salapi sa katawhan ug magamit sa laing katuyuan ang binilyong pondo nga ihatag unta kanila.
Samtang walay dautan sa paghatag ayuda sa mga tawo nga tinud-anay nga nanginahanglan kay naipit sa trahedya o kalamidad.
Kini usab ang gipabati ni kanhi IBP-Misamis Oriental chapter president Atty. Eddie Cuaresma sa kadako sa gigahin sa Marcos administration sa pagpanghatag ayuda sa sunod tuig.
Siya miingon nga angayang likayan ang ‘indiscriminate ayuda’ kay moresulta kini sa pagkatapulan sa katawhan nga gamiton lang alang sa politikanhon nga kalihukan.
Hisayrang dinhi sa Northern Mindanao,makatulong higayon nga mihatag sa cash ayuda ang administrasyon nga naglakip sa Bukidnon,Iligan City ug Cagayan de Oro ning tuiga lamang.
