Gipasalamatan ni Communications Undersecretary ug Palace Press Officer Claire Castro ang pagsalig ug pagdayeg nga iyang nadawat gikan sa bag-ong kalihim sa Presidential Communications Office (PCO) nga mitawag kaniya nga usa ka “treasure” o bahandi sa ahensya.
Giingon ni Castro nga nakapadasig ug nakapalipay kaniya ang maong pag-ila sa iyang kontribusyon sa serbisyo publiko.
Gitin-aw usab niini nga dili lang siya ang angay ilhon nga bahandi tungod kay daghang mga kawani sa PCO ang nagtrabaho sa likod sa kamera ug adunay dakong papel sa paghatag sa impormasyon sa publiko.
Giila ni Castro nga ang tanang empleyado sa PCO maoy matratar nga mga bahandi tungod sa ilang dedikasyon sa trabaho ug pagserbisyo sa katawhan.
Gidasig usab niya ang tanang public servants nga mahimong ehemplo sa matinud-anong serbisyo pinaagi sa pag-una sa interes sa nasod ug sa katawhan kaysa kaugalingong kaayohan.
