CAGAYAN DE ORO CITY – Ilugwa sa Catholic Bishops Conference of the Philippines o CBCP officials ang ilang oratio imperata alang sa ikahupay ug ikalinaw sa init nga tensyon sa tali Pilipinas ug China sa West Philippine Sea sa katapusang semana ning bulana.
Kini human wala matago sa kadagkuan sa simbahang Katolika ang suliran nga giatubang sa Pilipinas pag-abot sa isyu sa teritoryo nga puwersadong giangkon sa China.
Miingon si CBCP president ug Caloocan City Archbishop Pablo David,D.D nga ihaom nila ang pagpalugwa sa maong pag-ampo mismo sa kapistahan sa usa sa mga santos nga si Saint James nga patron sa kalinaw sa Hulyo 25 ning tuiga.
Una niini,naglugwa na’g anti-divorce statement ang CBCP sumala sa ilang natuki ug nauyunan sa plenary session nga gihimo nila dinhi sa syudad sa miaging semana.
Hisayrang gitamod sa Pilipinas ang West Philippines Day nunot sa kadaugan niini batok sa China sa arbitral ruling walo ka tuig na ang nakalabay.
