CAGAYAN DE ORO CITY – Gidawat sa bangkero nga taga-Cagayan de Oro ang mitaginting nga 30-mil pesos nga salaping cash isip kampeon sa 2023 Mindanao Bombo Bancarera 4th Leg nga gisaksihan sa libuang katawhan sa Jaspera Beach,Brgy Bonbon sa syudad kagahapon sa buntag.
Kini human nagkatigi ang mga bangkero nga naggikan sa nagkadaiyang bahin sa Mindanao diin si Albert Gaid nga taga- Brgy Bayabas ang mitigbabaw nga pinakamaayong momaneho sa ilang bangkero nga dunay grabe ka kakusog nga makina sa maong kompetisyon ning tuiga.
Apan sa interbyu sa Bombo Radyo,miingon si Gaid nga igo lang niya nasalagmaan ang iyang pagkampeon kay pulos kusog usab ang iyang mga kontra sa lumba.
Midawat usab sa 10-mil pesos isip 2nd prize winner si Ricky Delos nga taga-Lala,Lanao del Norte ug 5-mil pesos nga nagsilbing 3rd prize winner si Anthony Licot nga gikan sa lungsod sa Tagoloan,Misamis Oriental.
Nagdawat usab sa dugang giveaways ang major prize winners gikan sa kompanyang Payless ug Pioneer Exposy ingon man man non -winning boat racers nga daan nang midawat sa tag-libo ka pesos.
Sila si Gaid,Delosa ug Licot ang ibangga usab sa nahimo gihapon nga major prize winners gikan sa mga kampeong bangkero gikan sa Bombo Radyo Butuan,Bombo Radyo Davao ug Bombo Radyo Gensan alang sa Mindanao Bombo Bancarera Championship sa SOCKSARGEN sa Setyembre ning tuiga.
Ang bancarera dinhi sa syudad ang pagsuporta usab sa kapistahan ni Sr San Agustin nga suportado sa pipila ka govt offices ug non-govt organizations.
