CAGAYAN DE ORO CITY – Pasado ang ordinansa nga mopalig-on pa sa paghatag proteksyon batok sa online sexual abuses diin sagad ma-biktima ang mga menor de edad nga kababayen-an.
Kini human lusot na sa final reading sa konseho ang city ordinance no.2025-743 nga mas naila nga Cagayan de Oro Golden Justice Zone.
Gipasabot sa principal author niini nga si City Vice Mayor Jocelyn Rodriguez nga pagsanong usab kini sa mando sa korte suprema nga adunay itukod nga task force nga direktang moggukod batok sa mga sindikato nga nalambigit sa maong kalihukan.
Siya miingon nga nahaom usab ang pagpasar sa ordinansa sa gipalig-on nga hukom sa korte suprema sa guilty verdict batok Australian national nga si Peter Gerard Scully nga nalambigit sa sobra gatos ka kasong sexual offenses ning syudad.
