CAGAYAN DE ORO CITY- Gihagit ni City Mayor Oscar Moreno ang mga kauban niini nga nangdaug nga dili kalimtan kon unsa man ang gisaad nila nga angay buhaton atubangan sa katawhan sa syudad.
Kini human angkona ni Moreno nga dili sayon ang naagian sa iyang grupo ilabina sa pagtubag sa mga isyu nga nakahatag epekto sa ilang pagkatawo.
Maoy gitumbok ni Moreno ang halang nga mga pag-atake ni kanhi Dept of Agriculture Undersec Jose Gabriel ”Pompee” La Vinia batok sa iyang liderato sa syudad.
Gipasalamtan usab ni Moreno ang kahitas-an ug ang katawhan nga wala mobiya sa ilang grupo hangtod nga nahuman ang piliay sa syudad.
Si Moreno ang nakakuha’g boto nga 157,816 boto batok La Vina nga may 89,736 votes.
Si La Vina ang personal giindorso ni Pangulong Rodrigo Duterte aron modagan pagka-mayor sa syudad apan wala matarog niini si Moreno diin subli nakuha ang kadaugan alang sa iyang ikatulo nga termino nga magsugod sa Hunyo 30,2019 hangtod Hunyo 30,2022.
