CAGAYAN DE ORO CITY – Operational na ang balor 20 million pesos nga Relevant Industry Skills for Employment/RISE Artificial Intelligence Laboratory alang sa senior high school ug Indigenous People’s students sa syudad.
Kini human panguluhi ni City Mayor Rolando ‘Klarex’ Uy ang pagsubo niini kuyog si Thor Japo Turrecha, Skunkworks OPC Authorized Representative nga sinaksihan nagkadaiyang mga opisyal sa kagamhanang-lokal ug nasudnon sulod sa Dansolihon National High School ning syudad.
Miingon ang mayor nga gusto niini nga mahimong maalamon ang kabataan sa dakbayan pag-abot sa AI technology hinungdang gidawat niini ang talagsag-ong tanyag ni Turrecha nga mohimo niini sa pinakaunang higayon dinhi sa Pilipinas.
Sulod sa maong lab magamit sa data annotation, coding ug digital transformation,Crafting Realistic Models for Immersive Digital Experiences model nga magtudlo sa paghimo sa realistic model virtual experience.
Lakip usab nga matun-an ang drone assembly,drone flight simulation nga nagtugot sa mga estudyante sa pagbansay sa pagpalupad sa drone ubos sa susama sa real virtual situation.
Hisayrang si Turrecha ang ilado sa tibuok kalibutan pag-abot sa AI technology kay naglihok ang ilang gruo sa sobra gatos ka kanasuran apan gipili niya ang Cagayan de Oro kay taga-dinhi siya.
