CAGAYAN DE ORO CITY-Biya-an na sa Cagayan de Oro Water District o COWD ang joint venture tali sa Rio Verde Consortium nga naghatag sa water supply ning syudad.
Kini human miduso sa kaso sa korte ang COWD aron pormal nga ma-terminate ang kontrata kuyog ang Rio Verde.
Gibutyag ni COWD Asst General Manager Engr Beivenido Batar Jr nga basehan sa ilang pagputol sa serbisyo sa Rio Verde ang findings sa Commission on Audit o COA sa gisudlan nila nga kontrata.
Kini ang hinungdan nga kamulo gihan-ay ang kontrata nga gisudlan sa COWD tali sa Metropac Water Investment Corporation.
Samtang ikalipay sa panig sa kompanyang Rio Verde Consortium nga makagawas sa kontrata nga gisudlan nila sa Cagayan de Oro Water District o COWD.
Gibutyag ni Rio Verde senior operations manager Engr Joeffrey Hapitan nga gi-welcome nila ang pagsulod sa bag-ong water supplier aron maka-pokus na usab sila sa laing mga kliyente.
Nabutang sa kontrobersiya ang Rio Verde tungod sa 50-mil ka konsumidor nga apektado sa pagkawalay tubig dihang naguba ang water pipeline diha sa Taguanao,Brgy Indahag sa syudad sugod miaging adlaw.
Sa pikas bahin,gihagit ni City Mayor Oscar Moreno ang Cagayan de Oro Water District o COWD nga ipalambo ang ilang mga pasilidad ug serbisyo sa katawhan sa dakbayan.
Kini human gibutyag ni Moreno nga kon mahimo mismo ang COWD ang mo-supply sa kaugalingong tubig niini ug dili magsalig sa laing bulk suppliers.
Gihimo ni Moreno ang pahayag human dismayado tali sa COWD ug Rio Verde Consortium diin libuang konsumante ang apektado sa pagkawalay tubig sa pila ka adlaw sa syudad ug pipila ka bahin sa Misamis Oriental.
