CAGAYAN DE ORO CITY – Tuyo ni City Mayor Klarex Uy nga kapanalipdan sa tanang higayon ang seguridad sa katawhan ug mga dumudu-ong dinhi sa dakbayan.
Kini ang kabahin sa nagtukmod nga rason sa mayor kon nganong nakahukom ang city govt nga mangutang sa napulo ka bag-ong police patrol cars ug paglugwa sa kaugalingong salapi aron mapalit ang walo ka motorsiklo nga magamit sa kapolisan sa dakbayan.
Kini ang emosyonal nga mensahe ni Klarex samtang hingpit nang gitugyan sa Cagayan de Oro City Police Office ang minilyong balor sa patrol cars ug mga motorsiklo sa tugkaran sa city hall sa syudad kaganihang buntag.
Samtang nakahatag sa taas nga morale sa kapolisan ang paghatag prioridad ni Uy sa bag-ong mga sakyanan ug mga motorsiklo gikan sa local nga panudlunan sa dakbayan.
Kini ang tubag ni COCPO City Director Col Aaron Mandia sa personal nga pagdawat niini kuyog ang walo ka ka police stations commanders sa city hall kaganihang buntag.
Miingon si Mandia nga gitahas niya sa mga kumander sa kada-estasyon ang pag-atiman sa maong mga kagamitan alang sa peace and order situation sa dakbayan.
