CAGAYAN DE ORO CITY – Gisaway ni kanhi City Vice Mayor Atty. Antonio Soriano ang proposed ordinance nga gustong ipasar ni City Councilor Ian Achas nga limitahan ang mga sakop sa mainstream media nga mohimo’g pag-report kabahin sa mga kaso sa hikog dinhi sa syudad.
Kini human unang gipamugos ni Achas nga nakadugang sa kaikag ang radio reportings ngadto sa pipila ka indibidwal nga nagka-mental health challenge nga mokutlo sa kinabuhi niini.
Gibutyag ni Soriano nga nagtangag sa public interest ang matag-media reports rason nga angayang mangita’g laing paagi ang dakbayan unsaon pagsulbad ang maong problema.
Una nang gitukod usab ni City Mayor Rolando ‘Klarex’ Uy sa mental health task force aron pagtubag sa isyu.
Samtang wala pugngi ang mga sakop mainstream media sa ilang mga trabahao ang katuyuan sa ipasar nga ordinansa nag-obligar kanila pagsunod sa gabayan sa giingong ethical ug responsable nga pagpalugwa sa impormasyon pag-abot sa isyu sa hikog sa syudad.
Kini ang tubag ni Kag. Ian Achas ngadto sa pagduki-duki ni City Vice Mayor Jocelyn ‘Bebot’ Rodriguez kabahi sa maong isyu.
Miingon si Achas nga gi-presentar pa lamang kini sa plenaryo aron matuki’g maayo sa committee level.
Siya miingon nga wala malilong kaniya isip law school student nga gigrantiya sa batakang balaod ang gawasnon nga pagpadayag apan dayag usab nga kini may limitasyon.
Kini ang rason nga angayang e-tratar sa ensakto ang maong sensitibong isyu.
Sa pikas bahin,personal nga suportado personal ni incumbent Cagayan de Oro Press Club Pres. Frank Mendez ang sugyot-balaodnon nga gusto ipasar sa konseho kabahin sa limitasyon pag-media report sa mga kaso sa hikog sa dakbayan.
Miingon si Mendez nga angayang mo-pokus lang ang mga sakop sa media sa basic fundamentals o 5Ws ug 1 H questions aron dili usab malapas ang pribasiya sa biktima o mga tagtungod niini.
Siya miingon nga walay problema alang kaniya ang proposed ordinance nga gusto ipalabang sa konseho kon kini gitumong sa ikaayo sa kadaghanan.
