CAGAYAN DE ORO CITY – Pagpugong nga motipas sa politikanhong interes sa mga senador ug mga kongresista ang nag-unang tuyo kon nganong i-agi sa Kongreso ang pag-usab sa konstitusyon sa nasud sa constitutional convention o ConCon.
Kini ang pagpasabot ni Cong.Bambi Emano sa segundo distrito sa Misamis Oriental kon nganong 301 sila ka mga magbabalaod sa kamarabaha ang miuyon nga pinaagi sa ConCon ug dili constituent assembly o Con-Ass ang gamiton nga paagi sa pagtuki sa charter change sa nasud.
Miingon ang kongresista nga pinaagi sa ipadala nga delegasyon sa matag-sektor,walay luna nga motipas sa political provisions sa balaod ang mahilabtan atol sa katiguman.
Hisayrang gihulat sa kamarabaha ang bersyon sa senado alang sa hingpit nga pagsugod sa pagtuki sa charter change.
