CAGAYAN DE ORO CITY – Gikumpirmar sa pamilyang Canoy nga ila nang gipasa sa Office of the President ang reklamo batok kang City Councilor Zaldy Ocon.
Si Rhona Canoy miingon nga kasong gross misconduct, grave abuse of authority ug oral defamation ang ilang giduso batok sa opisyal sa syudad.
Siya miingon nga desidido sila nga ipalangkat sa pwesto si Ocon tungod kay wala sila malipay sa gihimong pagsinggit-singgit ug pagtudlo-tudlo niini sa iyang amahan nga si kanhi city mayor ug ex-Mindanao Assemblyman Atty Rueben Canoy sulod sa usa ka hotel ning syudad.
Asoy pa niini nga gahatag lamang kaulawon sa syudad ang opisyal nga susama kang Ocon.
