CAGAYAN DE ORO CITY – Mag-atubang sa kasong administratibo,kriminal ug sibil si Kag Zaldy Ocon tungod sa iyang ‘conduct unbecoming of being public official’ nga nag-viral sa social media.
Kini human unang makita sa video nga daw gikonprontasi ni kanhi city mayor ug former Mindanao Assemblyman Atty Rueben Canoy si Ocon apan lahi ang gipakitang taras niini.
Miingon si Kag Atty Lordan Suan,chairman blue ribbon and ethical committee sa konseho nga hulaton nila nga may tawo o grupo nga moduso’g reklamo batok Ocon aron masugdan ang imbestigasyon.
Una usab niini,kusganong gikondinar sa Cagayan de Oro Press Club o COPC ang gihimo ni Ocon ug nanganti nga ipa-recall ang pagka-konsehal niini pinaagi sa papirmahan nga petition.
