CAGAYAN DE ORO CITY – Walay direktang mahatag nga housing units ang city government alang sa mga apektadong residente sa demolasyon sulod sa Kampo Evangelista,Brgy Patag ning syudad sunod semana.
Kini ang prangka nga pagpasabot ni acting City Housing Unit and Devt o CHUD Manager Atty. Samuel Rollo kabahin sa mahimong ikatabang sa city hall alang sa libuang mga residente sa maong kampo.
Miiingon si Rollo nga walay direktang partisipasyon ang city govt sa problema kay iya kini sa 4th ID,Philippine Army ug sa mga apektadong mga pamilya.
Apan gipasabot usab niini nga tungod sa tawhanong konsiderasyon,e-adaptar gihapon nila ang pagtabang apan moagi sa taas nga proseso rason nga dugay pa maka-balay ang mga gusto nga mo-avail ug kon mo-kuwalipikado.
Dumduman nga unom ka higayo nang mihangyo ang city hall sa korte nga masibog ang demolasyon sukad giila sa korte suprema nga ila sa Philippine Army ang maong gilantugian nga mga yuta.
Hisayrang ipatuman ang demolasyon sa sunod na semana.
