CAGAYAN DE ORO CITY – Tangtangon ni City Mayor Rolando ‘Klarex’ Uy sa walay pagduha-duha ang bisan kinsa nga mga empleyado sa city hall nga nalambigit sa pagpamaligya ug paggamit sa ilegal nga droga sa dakbayan.
Bahad kini sa mayor nunot sa pagkasikop sa usa ka job order worker nga nadestino sa city engineer’s office tungod sa kalambigitan sa ilegal nga droga sa miaging semana.
Miingon si Uy nga gitahas niya sa city legal office ang pag-resolbar sa maong hitabo aron dili na kakuhaa’g panag-ingnan sa ubang mga empleyado sa city hall.
Hinoon,dili bag-o ang hitabo kay bisan sa nanglabay’ng mga administrasyon, daghang empleyado na sa city hall ang nangadakpan,nangakasuhan ug nangatangtang sa trabaho.
