CAGAYAN DE ORO CITY, Philippines – Upat ka mga lutsanan ang hugot nga gibantayan sa City Veterinary Office aron magpabiling ASF Free ang merkado ug piggery farms sa lungsod sa Cagayan de Oro.
Tingula ni CityVet Chief Dr. Perla Asis nga mabantayan sa Barangay Biosecurity Officers (BBOs) kuyog ang kapulisan ug Bureau of Aminal Industry sa Department of Agriculture nga dili makasulod sa syudad ang bayrus nga dala sa African Swine Fever.
Sa miaging adlaw, gitigom ni Dr Asis ang mga representante sa managlahing barangay ug mga magbababoy alang sa usa ka awareness campaing sa probisyon sa City Ordinance No.14043-2021 o mas naila isip “An Ordinance Providing for the Rules and Regulations for the Prevention and Control of Emerging and Re-emerging Infectious and Zoonotic Animal Disease”.
Dumduman nga kioni nga ordinansya napatuman sa milabay’ng tuig dihang gideklarar sa CityVet nga duna nay outbreak sa ASF sa syudad.
Dili gusto ni Asis nga maapektuhan ang mga hograisers sa syudad lakip na ang mga konsumante tungod sa kahadlok nga siya matakdan sa ASF gikan sa gikatay nga karne nga kontaminado sa bayrus.
Una niini, unod sa city ordinance ang pagtukod sa Barangay Animal Disease Monitoring and Surveillance Team aron moabag sa City Veterinary Office sa tanang kalihokan kalabot sa prevention, control and eradication sa animal diseases in ilang tagsa-tagsa ka barangay.
Kinahanglan nga mapatuman ang surveillance ug monitoring aron mapugngan ang pagsulod sa infected nga baboy sa syudad.
