CAGAYAN DE ORO CITY – Padal-a’g komunikasyon sa City Local Environment and Natural Resources Office o CLENRO ang senatorial ug partylist candidates kon nganong dili sila angay manubag sa pagsupak sa city ordinance ning syudad.
Kini may kalabutan sa illegal posting sa ilang political campaign materials sa mga lugar nga wala gitugot sa balaod dakbayan.
Miingon si CLENRO manager Engr Armen Cuenca nga himoon nila ang pagpatubag sa mga hingtungdang kandidato sugod ugmang adlawa.
Una niini,dul-an 300 ka political campaign materials ang nalangkat nila sa pagsugod sa kampanya sa national candidates sa miaging semana.
Hisayrang gipasalig ni Cuenca nga wala sila’y palabyon pagpangbaklas nga naglakip gikan sa administrasyon ug oposisyon nga mga kandidato kon dayag nakasupak sa kamanduan sa balaod.
