CAGAYAN DE ORO CITY – Naghatag kahadlok sa mga trabahante ang pagdalikyat sa mga armadong mga pulis sulod sa compound sa water treatment facility sa kompanyang Rio Verde Water Consortium Incorporated sa Barangay Paulas,Baungon,Bukidnon sa miaging kadlawon sa Mayo 1.
Kini ang pagsaysay sa Bombo Radyo sa senior legal counsel sa kompanyang Metro Pacific Water ug Cagayan de Oro Bulk Water Incorporated o COBI nga si Atty. Roberto Rodrigo sa pagpugong sa city government gamit ang mga pulis nga temporaryong palungon ang isolated water valve aron dili makaagas padulong sa COWD.
Gibutyag ni Rodrigo nga dili lang kutob sa ganghaan apan bisan sa sulod mismo sa planta anaa ang mga otoridad rason nga gipa-atras nila ang pagpalong sa tubig kaysa ma-kompromiso ang seguridad ang mga empleyado.
Dugang sa abogado nga nakuhaan nila sa mga hulagway ang panghitabo sulod sa planta.
Saysay pa niini nga tungod sa hitabo,mindangop sa barangay ang plant manager aron ipa-blotter ang nahitabo.
