CAGAYAN DE ORO CITY – Gisibog sa kompanyang Metro Pacific Waters sa laing higayon ang ilang ultimatum nga patlu’g suplay sa tubig ang mga konsumante sa Cagayan de Oro Water District ngadto sa petsa 12 sa Abril gikan sa Marso 31 ning tuiga.
Kini ang tubag sa Cagayan de Oro Bulk Incorporated o COBI sa hangyo ni committee of the whole chairman Kag. Edgar Cabanlas sa padayong pagdungog sa kontra sa panubig tali COWD ug MetroPac.
Apan miingon si MetroPac senior legal counsel Atty Roberto Rodrigo nga angayang mabayran na sa COWD ang ilang nagsamot kadako nga financial payables subay sa joint venture ug bulk water contracts nga pirmado sa duha ka panig.
Samtang alang kang task force fact finding sub-committee chairman Kag. James Judith,walay angay e-relaks kay petsa lang ang nairog sa ultimatum sa COBI ug padayon ang pugsanon nila nga pagsingil ngadto sa COWD.Siya miingon nga hangtod nga dili mahuman ang trabaho sa task force,naka-alerto sa kanunay ang city government gumikan niini.
Hisayrang upat ka disconnetion notices na ang gilugwa sa COBI apan pabiling wala mosanong niini ang COWD sa katarungan nga pakyas pa gihapon masulbad ang disputed payables sa duha ka panig subay sa ilang kontrata.
