CAGAYAN DE ORO CITY – Gipaniguro sa Cagayan de Oro City Police Office o COCPO nga hapsay ang ipatuman nga demolasyon sa kapin 300 pa ka puy-anan nga wala pa boluntaryong gipangguba sa mga tag-iya niini sa legally disputed lands sulod sa 4th ID heaquarters.
Namahayag si Police Lt Col. Evan Viñas,tigpamaba sa COCPO nga nakahan-ay na ang mga paagi sa pagpatuman sa sugo sa korte aron kalikayan ang kagubot susama sa dugu-ong demolasyon sa Sitio Palalan,Brgy Lumbia sa miaging duha ka semana.
Samtang gidid-an sa 4ID ug COCPO ang mga sakop sa media nga mokuha’g actual footages sa demolition implementation.
Depensa ni Viñas nga proteksyon daw kini sa local media kon pananglitan dunay posibleng bayolenteng reaksyon ang mga tawo nga maigo sa demolasyon.
Mipasabot si Viñas nga unta masabtan sa prensa ang nag-unang katuyuan kon nganong dili sila tugtan maglakaw-lakaw samtang kamulo ang demolasyon.
Dumduman nga sa miaging demolasyon sa korte dili sulod sa 4ID apan pribadong yuta sa Sitio Palalan,Brgy Lumbia,nakuhaan ang ubay-ubay’ng eksena sa komosyon tali sa pipila ka pulis ug
